Latha nan Uile Naoimh / Anman & Latha nam Marbh:
Sgeulachdan & Seanchas
Diardaoin 1 Samhain
1-4f, £2
A bheil ùidh agad ann am feasgar ciùin le cupan teatha, sgonaichean, beagan fèisteis agus cruinneachadh de chàirdean a’ co-roinn sgeulachdan is seanchas no dhà? Ma tha, nach tig thu dhan Tron airson feasgar socair is brosnachail còmhla ri Doli NicIllinnein, bana-chleasaiche is sgrìobhaiche ainmeil, a bhios a’ stiùireadh còmhradh neo-fhoirmeil air an Dà Shealladh agus a’ toirt dhuinn blasad den os-nàdarra, le sgeulachdan air am bi mòran sa choimhearsnachd Ghàidhlig eòlach.
Leanar seo le taisbeanadh air pìos goirid bho Dathan Soilleir A-Mhàin, dealbh-chluich a tha a’ toirt sùil neo-àbhaisteach air an taobh èibhinn de thiodhlacaidhean is bàs agus nòs an taigh-fhaire – dealbh-chluich dhaibhsan a tha gu bàsachadh airson fuireach beò!
Tha an tachartas seo a’ gabhail àite air 1mh Samhain, a bhios air a chomharrachadh air feadh an t-saoghail mar Latha nam Marbh agus Latha nan Uile Naoimh is Latha nan Uile Anman.
Ma tha thu nad bhall nas sine den choimhearsnachd Ghàidhlig / Èireannaich, tha sinn an dòchas gum bi ùidh àraid agad san tachartas seo.